சுந்தர பரம தேவ மைந்தன் - Sundara parama deva mainthan song lyrics

சுந்தர பரம தேவ மைந்தன்

பல்லவி

சுந்தர பரம தேவ மைந்தன் ஏசுக் கிறிஸ்துவுக்குத்

தோத்திரம் புகழ்ச்சி நித்ய கீர்த்தனம் என்றும் !

அனுபல்லவி

அந்தரம் புவியும் தந்து ,சொந்த ஜீவனையும் ஈந்து

ஆற்றினார் ;நமை ஒன்றாய் கூட்டினார் ;அருள் முடி

சூட்டினார் ;கிருபையால் தேற்றினாரே ,துதி- சுந்

சரணங்கள்

பாதகப் பசாசால் வந்த தீதெனும் பவத்தால் நொந்த

பாவிகளான நமை உசாவி மீட்டாரே;

வேத பிதவுக் குகந்த ஜாதியாகக் கூட்ட வந்த 

மேசியாவைப் பற்றும் விசு வாச வீட்டாரே ,

கோதணுகா நீதிபரன் பாதமதின் ஆதரவில் 

கூடுங்கள் ;-பவத் துயர் 

போடுங்கள் ;-ஜெயத்தைக் கொண் 

டாடுங்கள்; துதி சொல்லிப் பாடுங்கள் ,பாடுங்கள் என்றும் -சுந் 

விண்ணிலுள்ள ஜோதிகளும் எண்ணடங்காச் சேனைகளும் 

விந்தையாய் கிறிஸ்துவைப் பணிந்து போற்றவே ,

மண்ணிலுள்ள ஜாதிகளும் நண்ணும் பல பொருள்களும் 

வல்ல பரண் எனத் துதி சொல்லி ஏத்தவே ,

அண்ணலாம் பிதாவுக் கொரே புண்ணிய குமாரனைக் கொண் 

டாடிட ,-அவர் பதம் 

தேடிட ,-வெகு திரள் 

கூடிடத் துதி புகழ் பாடிடப் பாடிட என்றும் -சுந் 

சத்தியத் தலைவர்களும் வித்தகப் பெரியார்களும் 

சங்கத்தோர் களுங் கிருபை தங்கி வாழவே ,

எத்திசை மனிதர்களும் பக்தர் விசுவாசிகளும் 

ஏக மிகுஞ் சமாதான மாக வாழவே ,

உத்தம போதகர்களும் சத்ய திருச் சபைகளும் ,

உயர்ந்து -வாழ, தீயோன் 

பயந்து -தாழ, மிக 

நயந்து க்ரிஸ்துவுக்கு ஜெயந்தான் , நயந்தான் என்றும்

Video: