அரவணைக்கும் அன்பு தெய்வமே இயேசுவே - Aravanaikkum anbu Deivame Lyrics

அரவணைக்கும் அன்பு தெய்வமே

அரவணைக்கும் அன்பு தெய்வமே இயேசுவே - உன் 

அடியெடுத்து நான் செல்லும் பாதைகளெல்லாம்

என்னோடு தொடர்ந்து அரவணைக்க வேண்டுமே - 2

1. சோகங்கள் பலகோடி சூழ்ந்திடும் வேளையில் - உன்

சிறகினுள் எனை மூடி அடைக்கலம் தரவேண்டும் - 2

உந்தன் புது உறவிலே கவலையெல்லாம் மறந்து - 2

உலகெலாம் நற்செய்திப் பணியினைத் தொடர்வேன்

2. வாழ்வினில் தடைகள் தொடர்ந்து வந்தாலும் - உன்

வல்லமை கரமென்னில் இருந்திட வேண்டும் - 2

உந்தன் நல்துணையிலே பாதையினைத் தெளிந்து - 2

எந்நாளும் நிறைவாழ்வுப் பயணம் செல்வேன்